السبت، 15 أغسطس 2009
الاثنين، 10 أغسطس 2009
الاثنين، 22 يونيو 2009
الخميس، 4 يونيو 2009
الخميس، 28 مايو 2009
اوريك فيه
إخذه وياك قلبي لو نويت البعاد
دامك بعيد عني شسوي فيه
كان معاك الفرح يكتبله ميلاد
كان معاك مرتاح وشايف أمانيه
مافاد قلبٍ بحنايا ولهان مافاد
خلّه يمكن ببعادك تحس لراعيه
خلّه وياك قلبٍ ماعرف معنى العناد
قلبٍ على كيف كيفك تمشّيه
سو ماتبي بقلبي بس إنسى البعاد
أوعدني ماتخلّيني وأنا أورّيك فيه
الأربعاء، 20 مايو 2009
الخميس، 30 أبريل 2009
قلايد ذهب
الأربعاء، 22 أبريل 2009
الأحد، 12 أبريل 2009
ياورده
ياورده
بيوفها موده
ياورده
ياندى عذب
ومن الندى أنده
ياورده
ياللي حبك ساكني
بنسايم هواك شايلني
وفوق غيماتك ماخذني
وإن خذاني ماأردّه
ياورده
ياأطهر قلب عرفته
ياعشق باليوف أسكنته
ياحب توسدني وتوسدته
وغفيت بين عيونه
وخده
ياروده
الاثنين، 16 مارس 2009
تفاصيل حنيني
طيعيني
وعطيني إيدياتج
وحضنيني
طيعيني
من غيره قلبي يهديك دقاته
من غيره أنا يهديك حياته
ويعلمك تفاصيل حنيني
طيعيني
بورّيك عالم جديد بتفاصيله
نهاره مختلف عن ليلـــــــــه
نجومه بياضها غير
عالم منبني عالخير
صدقيني
طيعيني
طيعيها مره عيوني الولهانه
اللي تشيلـــــــــــــــك أمانه
وتحضنك شوف وسواد
بتصير عيني أُفـــــــــــاد
جربيني
طيعيني
ماخسر من طاع حبيبه
شكثر شايلّـك طِيبــــــه
تفيض من روحي ينابيع
شفتي هالكون الوسيع
مافيه ربع مافيني
طيعيني
18/6/2008
زهيرية باجيلك
باجيلك حب بحنايا روحي باجــــــــــــــــــــــــــــــــيلك
إنتظرني لحظه حبيبي باجــــــــــــــــــــــــــــــــــــــيلك
وإبتسملي شويّة وكمِّل جمـــــــــــــــــــــــــــــــــــيلك
،،،،،،،،،
بحبّك ماأجزع ولا حتى أتـــــــــــــــــــــــــــــــــــــوب
حبك على قلبي ياقلبي مكتــــــــــــــــــــــــــــــــــــــوب
كيف أقول للقلب تـــــــــــــــــــــــــــــــــــــــــــــــــوب
،،،،،
وأنا مرسوم على حس تفاصـــــــــــــــــــــــــــــــــــيلك
2/7/2008
الأربعاء
حدرك
منتظرك
مع إني أدري
العمر مابرني
ولا بـَرّك
منتظرك
،،،،،،،،
شوف شلون إنتظار المجهول
شوف الولهان كيف يصبر
شوفني لما ماألقى حلول
ولما على فراقك ماأعبّر
مهما صار منك
مهما صار منك
يزيد قدرك
منتظرك
،،،،،،،،،
أكتبلك أشواقي على ورقتي
وأكسر بمحاريك صمتي
وأأمِّــــــل نفسي بخيال
وأتريّا يتحقق المحال
وأرسمك غيمه
وأنا عطشان حدرِك
منتظرك
،،،،،،،،،
أرتشِف
قطرات أمل مو راضي يصير
وأريِّـح
بالوله الروح والضمير
أرتاح
وأنا متعذب بفرقاك
أهتني
بليل مايشوف نور ويّاك
ينكسر خاطري
ينكسر خاطري
وهم أعذرِك
منتظرك
16/10/2008
الخميس
الأحد، 15 مارس 2009
طرّة نور
الأحد، 8 مارس 2009
احداث حزينه
مو خوف .. هي مسأله منت فاهم معانيها
أنا صارت كل حياتي بإيديّاتك...... رهينه
هي حاله مابين الأحاسيس وخوافيهــــــا
هو واقع مر وبنفس الوقت شزينــــــــــه
لو تفهمني جان أحلامي عرفت أمانيــــها
لو تحسني جان لقى قليبي من يعيــــــــنه
هي مسأله تناصف كل اختلاف فيهــــــــــا
هي سالفه باختصار غريبه وحزيــــــــــنه
السبت، 7 مارس 2009
أرسمه
أتوسّد بقايا ذكرياتك وأهيم بطواريها
وأتخيّلك هوى وبيوفي أشهَقْ أتنَسّمه
ذكراك جميله وجميله أكثر معانيها
تطري ببالي وأحسني معلّق بالسِّما
وأحس بصوتِك يمطر الدنيا يرويها
يخليها بس بقطرات حسِّك متوَسِّمَه
الذكرى للناس لحظه تمُرْ باللي فيها
وذكراك عندي لحظه وقفت متبسِّمَه
ذكرى تدلّي أشواقي تاخذها تجدّيها
وبصدر الوقت تاخذ طاريك ترسِمَه
أتوسّد بقايا ذكرياتك وأهيم بطواريها
أتخيِّلك هوى وبيوفي أشهَق أتنسِّمَه
20/11/2008
الخميس
كيان متجمد
شلون أبْـــــرِد
وكلّك يسعِــــد
شلون أَبْـــــــرِد
بعيونك تفاصــــيل الدفى
ومعاني الإخلاص والوفى
من أشوفها
أشوف النّور
وورود منثوره
وعصافير تغرِّد
شلون أبرد
إستحاله يلمسني بِرد... أبد
أصلا البَرد منك.... إرتعَد
دافيه ملامحك ....وتدفِّي
يوفي وروحي وكفِّي
يصير القلب موَرِّد
شلون أبرِد
يَبرِد اللي يوفه ماحَبْ
اللي مايحـس فيه قلب
ولا إرتعشت أشواقه
وسكن حُبّه بأعماقه
يصير كيان متيَمِّــد
ويَبْـــــــرِد
4/1/2009
الأحد
الأربعاء، 11 فبراير 2009
الكويت جنه
سألوني: شاتمنى
قلت : تصير الكويت جنه
ما نسمع حس مشكله
ولا نعرف كلمة معضله
وكل الناس تتهنّى
سألوني شاتمنى
قلت تنتهي أزمة الإسكان
وتموت كلمة حرمان
ويعم الخير والأمان
والحب يسكنّاّ
سألوني شاتمنى؟؟
قلت ما أسمع تشهير بالناس
وما أشوف الحق ينداس
وتمشي الدنيا على هالأساس
بدون حنَّهّ
سألوني شاتمنى؟؟؟؟
قلت بعد أبي باجي الأسرى
يفرحون قلوب ماتت حسره
حياتهم بدون عيالهم مرّه
وفراقهم كاسرنا
هذا ما أتمنّى
فلِّم
الدنيا تعلّم
ولحظاتها تفهّم
وتوعي الانسان
ياخذ العبرة منها
يفهمها ويتعلمها
ويبخصها زين
لا يصير متجهم
الدنيا تعلم
لا تمر الدقيقة بدون فود
ولا تقول عن نفسك عود
العمر يمضي ويطوي صفحاتك
افهم كل شي بحياتك
لا تصير مبلم
الدنيا تعلم
عيش الواقع وإخذ خبرة
وافهم الصح وقدره
واوزن حياتك عدل
ماكو شي سهل
وكل درب منور
مرده بيظلم
الدنيا تعلم
لا تتشطر على الأيام
ثمّن بلسانك الكلام
وافهم دواير الاوقات
بالك تخلي ضميرك مات
ولا تحاول تفلّم
الدنيا تعلّم
لاتغلّق
كل إنسان ممكن يخمبق
ويحاول يصحح غلطته
ان جذب يحاول يصدق
مو مشكلة لو رد بكلمته
لا يصير للعناد متشفق
يبدل عناده بطيبته
لا يقلدم ولا حتى يغلّق
يحاول يعيش صح بدنيته
كل واحد ممكن يخمبق
والشاطر من صحح غلطته
الأحد، 25 يناير 2009
ماشَه
شاشة
لونها أبيض وأسود
الصورة فيها مو واضحة
مصنوعة من دفاشة
شاشة
تطل عليها ما تشوف
تظل للصورة ملهوف
ما تلقى للوضوح معنى
تحاول ترسم على ويهك
بشاشة
شاشة
مو راضي يوصل الإرسال
تحاول تصنع آمال
يمكن الوضع يتحسّن
ويفرح سالم ومحسن
وخزنة وعواشة
شاشة
بدال الأريل حط علاق
واعقد مع ارسالك اتفاق
ماكو فايدة مولية
الصورة ضبابية
لو تحط ماشة
شاشة
دبلوماسية
محتاجين بالتعامل شوية رقي ودبلوماسية
صارت الحوارات جدا حادة وخشنة
ترى الحجي ببلاش سمعوني شوية
الردود الجافة ترى والله وبالله تلفتنا
لا نهاجم بعض ونزرع أوهام جذبية
نكسب الكل بكلمة جميلة وحسنة
ليت النائب يوقف قصيصة البطولية
ومن الصراخ والتهديد شوي يرحمنا
محتاجين بكلامنا شوية رقي ودبلوماسية
ترى لغة الحوار الهادية تعمر وطنا
حس أمل
على حس أمل يهدّي ويحسِّن الأمور
وعلى أمل ممكن نشوفه ونلمحه
هذي الدنيا مردها بتلف وبتدور
والوقت بيب الكذاب ويفضحه
مهما حاول بكلامه يلف ويدور
الايام بسهاله تقتل زيفه وتذبحه
فيه جيل واقف على باب الأمل دور
وروحه بحب الكويت مسلّحه
على أمل تتحسن بعيونه كل الأمور
وعلى أمل بيرق أمل يبرق ويلمحه
ريشه
إيه إيه نعم على راسه ريشه
بس بوقت الشدايد ما يصير ريشه
يصمل ويناظر الأمل من الدريشه
وعلى ضوء هالأمل أهو عاش
يتجدد بداخل يوفه انتعاش
حتى لو اصلا السالفه طناش
يقدر يتخيل الحلم ويعيشه
عِبريه
عبريه
يتخطرفون من مكان لمكان
يورّونا من العجب ألوان
لهم زمانهم ولنا زمان
والأيام تبين كلامي ومعانيّه
عبريّه
ناس لهم مصلحة وبيمشون
ناس عايشين عشان يأذون
ناس من الله ما يخافون
مأذينا أذيه
الحياة عندهم محطات
يستغلون أبسط اللحظات
يمشون أمورهم زتات
لا ذمة لامصداقيه
منطقهم الديرة ربيع زايل
يسوون البلاوي والهوايل
وعلى قولة القايل
الدنيا دنيّه
عبريه
حياة
حياة
تمر عليك
شتقدر تخط فيها
رسمة؟
لو كلمة؟
لو حكمة؟
لو ذكريات؟
حياة
بإيدك تصنع لك مكانة
وتفرض وجودك بالدنيا
وتكوِّن لذاتك هوية
وتشرّعلك إثبات
حياة
حسافة لو ضاع عمرك على ماميش
شكثر إحنا أصلاً بنعيش
خل يكون لنا وجود
ولي طرونا يقولون:
حسه ما مات
حياة
يمّه
يا أنقى صدر أضمّه
يمّه
يا فيض مشاعر ملتمّه
يمّه
اشكثر بيضه نيّاتچ
اشكثر نقيه حياتج
اشكثر سهرناج
اشكثر أذيناج
اشكثر بردنا
ودفيتينا بعباتج
ما نطلع من يزاج
وما توفيج كلمه
يمّه
الكل شايف
الكل ساكت وشايف
سوالف وعجايف
مو عاجبه بس ساكت
لنسِمه قامت
ما يبي يتنفس هواهم
ما يبي يكون وياهم
عايش بهواه
يمكن للأمل يصادف
الكل ساكت وشايف
مبادئ الصح ضاعت
والقرارات ماعت
والنفوس انباعت
أرخص من الجناجف
الكل ساكت وشايف
حفلة مثيرة للضياع
عشنا مع صراع
من باع منو انباع
والعموم خايف
الكل ساكت وعارف
رياضه×رياضه
متى ويا الرياضة
انتراضى؟
نعرف شفيها
شتعاني منه
ونحلها بسنع
ما يهمنا موافقة فلنتان
أو اعتراضه
متى وياها انتراضى
ياشاطبينا يا رادّينا
يامعاقبينا يا مسامحين
إحنا شالله بالينا
الأوضاع محتاجة
انتفاضة
وانتراضى
آمال وطن
ودنا هالوطن نحققله آماله
نوفيه ونحميه نحبه ونداريه
ودنا نشوف النائب تكثر أفعاله
ويحققلنا الوزير كل ما نبيه
ودنا نجاوب المواطن قبل سؤاله
ونبنيله درب للصلح وندليه
المنصب للمجتهد ترى عباله
والمسؤولية ما تتوافق مع التيه
لا نصير من صاده عشا عياله
سمعوا كلامي وكملوا باجيه
الوطن لا بد يفرحونه عياله
تكفون ياناس بعيوننا نداريه
كَسْرَه
خل نبني أمل مرّه
وننثره من يديد
خلونا بالمفيد
الوطن مثل مايبرنا
يبي من يبرّه
خل نبني أمل مرّه
نزرع آمال ونشوفها
ونطوي الدنيا بظروفها
ونمنع من الناس خوفها
وننثر البهجه والمسرّه
ينبني الوطن بمحبّه وعشق
بأمانه ونظافه وصدق
أجراس التفاؤل بتدق
بس لا تكسرون فينا
كَسرَه
عصر السرعه
يا عصر السرعة
شخذنا منك غير
الخرعه
يا عصر السرعة
كل شي صار بسهاله
الواحد يخاف على عياله
سهوم العولمه قتاله
ما في شي نقدر نمنعه
يا عصر السرعة
خذيت من الأخلاق الكثير
الكل بعصرك صار أسير
الواحد يختصر العالم الكبير
بضغطه من صبعه
يا عصر السرعة