محتاج حضور
يروي عيوني وقليبي...
محتاج شعور
يحسّسني إنك حبيبي ...
أبيك أكثر .. تداريني
أبيك أكثر .. تحس فيني
حرام أموت فيك
وخاطري مكسور
محتاج حضور
..........
أبي أتفزّز ألقاك يمّي
أبي تذوب ...بدمّـــي
وتسكِن تفاصيل حلمي
ماأنام مقهور
محتاج حضور
...........
مطلبي مو صعب عليك
دارني مثل...ماأداريـك
خلها دايم محاريك
تهل مثل طرّة النور
محتاج حضور
12/02/2009
الخميس
طرة النور : حينما يظهر نور الصباح
هناك 6 تعليقات:
اخوي براك .. تسلم على هالكلمات اللي الصراحه دغدغت مشاعري واحساسي :)
لو كان بإمكاني نسخ
إحساسك،لنسخت منه
ما لا يعد،و وزعته
على كل من لا يملك
مثله:)
Fishah
الله يسلمك
اشكرك على مرورك الاول
تسلمين
Rose
في عصر العولمه لانستبعد اي شي
يمكن يتوصلون العلماء لعلم النسخ
احنا تلاميذك سيدتي الراقيه
كلامك كبير علي
كلنا بحاجه ذاك الحضور ,,
و كم طال و كم سيطول ,,
اتمنى لك كل خير
دمت بحب لا يضاهى ^^
اسيرة اللوحه
اشكرك سيدتي
وشكرا على تواصلك
الراقي
إرسال تعليق