منتظرك
مع إني أدري
العمر مابرني
ولا بـَرّك
منتظرك
،،،،،،،،
شوف شلون إنتظار المجهول
شوف الولهان كيف يصبر
شوفني لما ماألقى حلول
ولما على فراقك ماأعبّر
مهما صار منك
مهما صار منك
يزيد قدرك
منتظرك
،،،،،،،،،
أكتبلك أشواقي على ورقتي
وأكسر بمحاريك صمتي
وأأمِّــــــل نفسي بخيال
وأتريّا يتحقق المحال
وأرسمك غيمه
وأنا عطشان حدرِك
منتظرك
،،،،،،،،،
أرتشِف
قطرات أمل مو راضي يصير
وأريِّـح
بالوله الروح والضمير
أرتاح
وأنا متعذب بفرقاك
أهتني
بليل مايشوف نور ويّاك
ينكسر خاطري
ينكسر خاطري
وهم أعذرِك
منتظرك
16/10/2008
الخميس
هناك 4 تعليقات:
وأرسمك غيمه
وأنا عطشان حدرِك
منتظرك
عجيب هالبيت
ماكو احلى من الحب اللي يسامح ويختلق الاعذار لحبيبه
وتسلم على هالالقاء الرائع
للاسف فاتني اشتري ديوانك
ما عليه اليايات اكثر ان شاء الله
كبرياء وردة
الله يسلمك
سأتشرف بإقتنائك ديواني سيدتي الراقيه
منتظرك
مع إني أدري
العمر مابرني
ولا بـَرّك
انت رائع بأحاسيسك~
أتمنى أن لايطول انتظارك~
تقبل تحياتي~
مضاوي
اهلا فيك يامضاوي
ان شاء الله مايطول الانتظار
امين
إرسال تعليق