الخميس، 30 أبريل 2009

قلايد ذهب

تحت الهدب
تلقى تعب
وتلقى حرف ماانكتِب
ناطر صفحة عيونك
تهديني دلايل بوحي
وتردلي بقايا روحي
وصوتي اللي إنسلب
تحت الهدب
تلقى تعب
،،،،،،
تصدّق!! كلمتي تعبت تنزف
تصدّق !!ماتعلّمت أعزِف
إلا وأوتار نبراتي مشدوده
تصدّق!! صرت أهذي بإنشوده
ماتعرف للأوزان طريج
تصدّق الكلمه تنشّف الرّيج
تصدّق مشكلتي إني
وايد أحَب
وتحت الهدب تلقى تعب
،،،،،،
والله وبالله مابغيت أتكلم
بغيت بصمت فيك أتحلّم
بس التعب غصبني
والله مو مني
إنت السبب
تحت الهدب
تلقى تعب
،،،،،،
شي موحش لو تكون شاعر
تحس بداخلك وحش كاسر
يفترس أحاسيسك ويهزمك
ماتلقى أحد يفهمك
تحس بنشوة إنتصار
وكل مافيك إنغَلب
تحت الهدب
تلقى تعب
،،،،
سمعيني ياأيامي سمعيني
اسمعي صرخات حنيني
ماأبي إجابة أبي رحمه
أبي تقدرين مفاهيم الكلمه
اللي بصدري ماهي حروف
اللي بصدري
قلايد ذهب
وتعب
30--4-2009
الخميس

هناك 20 تعليقًا:

خديجة البهاويد يقول...

،شي موحش لو تكون شاعر
تحس بداخلك وحش كاسر
يفترس أحاسيسك ويهزمك
ماتلقى أحد يفهمك
تحس بنشوة إنتصار
وكل مافيك إنغَلب
تحت الهدب
تلقى تعب




صح لسانك والله
رووووعة ياشاعر :)

دمت بابداع ^_^

بـركـــــان يقول...

عد التحيه ،،،

سلم قلمك و طاب خاطرك اخي براك

تحت الهدب
تلقى تعب
وتلقى حرف ماانكتِب
ناطر صفحة عيونك
تهديني دلايل بوحي
وتردلي بقايا روحي
وصوتي اللي إنسلب
تحت الهدب
تلقى تعب

هذه الفقره تستاهل ان تلحن .. شعر غنائي جميييل


الثائـــر

Barrak يقول...

صح بدنج

انا للحين ماصرت شاعر

انا ابسط من جذيه بوايد

سيدتي الفنانه

Barrak يقول...

بركان

الله يسلمك ويخليك اخوي الثائر

كافي انها تلحنت بعيونك

كافي


تسلم

الأمل يقول...

كلمات جميلة جدا ..

إلى الامام (:

تقبل مروري ..

Barrak يقول...

الاجتماعيه

اشكرك سيدتي الراقيه

تشرفت بمرورك

Um il sa3af wil leef يقول...

كتاباتك وأشعارك ترسخ في العين والعقل والقلب .....من المدونات الجميله جدا والراقيه..تحياتي

Um il sa3af wil leef يقول...

إنت موهبه مدفونه..لازم هالكلمات تتغنى...كمل في هذا الطريج ..إنت شاعر الكويت القادم

Barrak يقول...

Um il sa3af wil leef


اشكرج سيدتي الراقيه
كلامج اعتز فيه وايد

مااعتقد ان موهبتي مدفونه دام فيه ناس مثلج تقدر وتفهم الكلمه

وانا ياسيدتي الى الان ماوصلت لمرحلة اني اكون شاعر

توني

Um il sa3af wil leef يقول...

لا والله إنت شاعر ..وهذه ماهي مجامله ..وشاعر ذو إحساس مرهف ..على فكره إلقائك جميل جدا ..

tabbebek يقول...

صح السانك

Barrak يقول...

Um il sa3af wil leef

اسف على التأخير

انتي كلك ذوق

Barrak يقول...

د عارف


صح بدنك يادكتور

شرفتني

خديجة البهاويد يقول...

تنويه :

تغير رابط مدونتي

http://khadija-bahaweed.blogspot.com/

وشكرا ^_^

ღ heart ღ يقول...

يازين هالاحساس ..


صح لسآنك يابرآكـ ..


اخوي ماشاء الله تبارك الله عليك الاحظ في كتاباتك الاهتمام بالتفاصيل الدقيقة ..


الله يديم عليك ويزيدك من حذقك ..

دمت بصفاء ونقاء ..


احترامي وتقديري ..

Barrak يقول...

خديجة البهاويد


شكرا للتنويه

بالتوفيق

Barrak يقول...

ღ White Rose ღ

يازين وجودك

صح بدنك
يمكن لاني احب اوصف كل حالة بحذافيرها بترانيمها

ملاحظه راقيه من سيده ارقى

GUCCI-q8 يقول...

رائعة
جدا
جدا
جدا
جدا

Barrak يقول...

GUCCI-q8

شكرا لكِ سيدتي
وايد
وايد
وايد
وايد

مي مي يقول...

خاطرة روعـه

احساس راقـي

"تحت الهدب..تلقى تعب"
<< كلمتين يعبرون عن أشيا كثيرة
<< كلمتين عن خاطره

دمت بكل الخير..~