تحت الهدب
تلقى تعب
وتلقى حرف ماانكتِب
ناطر صفحة عيونك
تهديني دلايل بوحي
وتردلي بقايا روحي
وصوتي اللي إنسلب
تحت الهدب
تلقى تعب
،،،،،،
تصدّق!! كلمتي تعبت تنزف
تصدّق !!ماتعلّمت أعزِف
إلا وأوتار نبراتي مشدوده
تصدّق!! صرت أهذي بإنشوده
ماتعرف للأوزان طريج
تصدّق الكلمه تنشّف الرّيج
تصدّق مشكلتي إني
وايد أحَب
وتحت الهدب تلقى تعب
،،،،،،
والله وبالله مابغيت أتكلم
بغيت بصمت فيك أتحلّم
بس التعب غصبني
والله مو مني
إنت السبب
تحت الهدب
تلقى تعب
،،،،،،
شي موحش لو تكون شاعر
تحس بداخلك وحش كاسر
يفترس أحاسيسك ويهزمك
ماتلقى أحد يفهمك
تحس بنشوة إنتصار
وكل مافيك إنغَلب
تحت الهدب
تلقى تعب
،،،،
سمعيني ياأيامي سمعيني
اسمعي صرخات حنيني
ماأبي إجابة أبي رحمه
أبي تقدرين مفاهيم الكلمه
اللي بصدري ماهي حروف
اللي بصدري
قلايد ذهب
وتعب
30--4-2009
الخميس
هناك 20 تعليقًا:
،شي موحش لو تكون شاعر
تحس بداخلك وحش كاسر
يفترس أحاسيسك ويهزمك
ماتلقى أحد يفهمك
تحس بنشوة إنتصار
وكل مافيك إنغَلب
تحت الهدب
تلقى تعب
صح لسانك والله
رووووعة ياشاعر :)
دمت بابداع ^_^
عد التحيه ،،،
سلم قلمك و طاب خاطرك اخي براك
تحت الهدب
تلقى تعب
وتلقى حرف ماانكتِب
ناطر صفحة عيونك
تهديني دلايل بوحي
وتردلي بقايا روحي
وصوتي اللي إنسلب
تحت الهدب
تلقى تعب
هذه الفقره تستاهل ان تلحن .. شعر غنائي جميييل
الثائـــر
صح بدنج
انا للحين ماصرت شاعر
انا ابسط من جذيه بوايد
سيدتي الفنانه
بركان
الله يسلمك ويخليك اخوي الثائر
كافي انها تلحنت بعيونك
كافي
تسلم
كلمات جميلة جدا ..
إلى الامام (:
تقبل مروري ..
الاجتماعيه
اشكرك سيدتي الراقيه
تشرفت بمرورك
كتاباتك وأشعارك ترسخ في العين والعقل والقلب .....من المدونات الجميله جدا والراقيه..تحياتي
إنت موهبه مدفونه..لازم هالكلمات تتغنى...كمل في هذا الطريج ..إنت شاعر الكويت القادم
Um il sa3af wil leef
اشكرج سيدتي الراقيه
كلامج اعتز فيه وايد
مااعتقد ان موهبتي مدفونه دام فيه ناس مثلج تقدر وتفهم الكلمه
وانا ياسيدتي الى الان ماوصلت لمرحلة اني اكون شاعر
توني
لا والله إنت شاعر ..وهذه ماهي مجامله ..وشاعر ذو إحساس مرهف ..على فكره إلقائك جميل جدا ..
صح السانك
Um il sa3af wil leef
اسف على التأخير
انتي كلك ذوق
د عارف
صح بدنك يادكتور
شرفتني
تنويه :
تغير رابط مدونتي
http://khadija-bahaweed.blogspot.com/
وشكرا ^_^
يازين هالاحساس ..
صح لسآنك يابرآكـ ..
اخوي ماشاء الله تبارك الله عليك الاحظ في كتاباتك الاهتمام بالتفاصيل الدقيقة ..
الله يديم عليك ويزيدك من حذقك ..
دمت بصفاء ونقاء ..
احترامي وتقديري ..
خديجة البهاويد
شكرا للتنويه
بالتوفيق
ღ White Rose ღ
يازين وجودك
صح بدنك
يمكن لاني احب اوصف كل حالة بحذافيرها بترانيمها
ملاحظه راقيه من سيده ارقى
رائعة
جدا
جدا
جدا
جدا
GUCCI-q8
شكرا لكِ سيدتي
وايد
وايد
وايد
وايد
خاطرة روعـه
احساس راقـي
"تحت الهدب..تلقى تعب"
<< كلمتين يعبرون عن أشيا كثيرة
<< كلمتين عن خاطره
دمت بكل الخير..~
إرسال تعليق