الاثنين، 24 نوفمبر، 2008

ملّــينا


فهمونا السالفه وشاللي صاير بالضبط
أزمة عالمية وإلا الأمور جميله زينه
الأوضاع مضبوطه لو محتاجه ضبط
بصراحه والله العظيم ترى ملينا
متى نحسّ هالحمل الثجيل إنقطّ
وننسى كلمة ما يخالف وما علينا
نبي بس ترسمون لنا خطّ
ولا تحاتون أبد اللي بيدلّينا
فهمونا السالفه تكفون بالضبط
وإلا الحاله عابره وبترد زينه

هناك 5 تعليقات:

mtfa2el يقول...

السالفة مرق

اقصوصه يقول...

اعتقد بصراحه

ان محد فاهم شي

عشان جيه ما بتقلى حد يفهك

او حتى يفهمنا!

Barrak يقول...

متفائل


انا قلتها قبل جم يوم بالصوت

السالفه مرقه

محيوسه بقفاش الفوضى

Barrak يقول...

اقصوصه


المهم انتو تفهموني


وايد احب الكلام الإماراتي


حلوه جيه

esTeKaNa يقول...

نبي ترسمون لنا خط
!!
فعلا براك
الحياة عندما تكون واضحة
ونعرف شلي صاير بالضبط
وايد اسهل من لا تمشي الايام وانته طايره بوهتك ماتدري شصاير بالضبط


توني اكتشف براكيات
انا مستانسه
:)