فهمونا السالفه وشاللي صاير بالضبط
أزمة عالمية وإلا الأمور جميله زينه
الأوضاع مضبوطه لو محتاجه ضبط
بصراحه والله العظيم ترى ملينا
متى نحسّ هالحمل الثجيل إنقطّ
وننسى كلمة ما يخالف وما علينا
نبي بس ترسمون لنا خطّ
ولا تحاتون أبد اللي بيدلّينا
فهمونا السالفه تكفون بالضبط
وإلا الحاله عابره وبترد زينه
هناك 5 تعليقات:
السالفة مرق
اعتقد بصراحه
ان محد فاهم شي
عشان جيه ما بتقلى حد يفهك
او حتى يفهمنا!
متفائل
انا قلتها قبل جم يوم بالصوت
السالفه مرقه
محيوسه بقفاش الفوضى
اقصوصه
المهم انتو تفهموني
وايد احب الكلام الإماراتي
حلوه جيه
نبي ترسمون لنا خط
!!
فعلا براك
الحياة عندما تكون واضحة
ونعرف شلي صاير بالضبط
وايد اسهل من لا تمشي الايام وانته طايره بوهتك ماتدري شصاير بالضبط
توني اكتشف براكيات
انا مستانسه
:)
إرسال تعليق